فنانة شابة توثق التحرش بها اتناء قيادتها السيارة وتتوعد المتحرش
نشرت الفنانة كارولين عزمي عبر حسابها الخاص على تطبيق تبادل الصور (انستغرام)، مقطع فيديو تكشف فيه عن تعرضها لواقعة تحرش من قبل أحد الأشخاص أثناء قيادتها لسيارتها الخاصة.
و علقت الفنانة على مقطع الفيديو: "مساء الخير.. انا اللى يعرفنى او متابعنى عارف انى شخص مالوش فى المشاكل ولا عمرى شاركت مشكله تخصنى سوشيال ميديا"
و أضافت" باختصار.. انهارده كنت فى عربيتي و جنبي عربيه فيها واحد كسر عليا كل اللى عملتو انى بصتله و بصيت قدامى ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفجأت وهو بيقولى بتصوريني يا بنت ال.. سعتها اتخضيت و بدأت اصور بجد و انتو هتشوفو في الفيديو الحركات اللي بي أيدو و الشتايم.. و بدء يقولى تعالى ورايا والحقيقة انى مش عارفه اروح واره فين او كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا".
و تابعت" انا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض.. اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور و يتفضح انا عايزه حقى يرجعلى".
