الاب واولادة الخمسة مشردين في شوارع كفر الشيخ

كتب -محمد شلبي علي صفحتة

وهي علي مايبدوا نقلا عن واقعة تم مشاهدتها

يقول البوست الذي تم تشرةه علي الصفحة حدث امس وامام عيني وحوالى الساعة الواحدة مساءً بتمشى شوية انا وابن عمى واثناء مرورنا وبجوار بنزينة الوطنية بكفرالشيخ لفت انتباهنا رجل ملتحى رث الثياب يقف بجوار الرصيف وبجواره طفلين او تلاته مستغرقين فى النوم على الرصيف عدينا بجوارهم الجو برد جدا طيب الراجل ده واقف كده ليه والاولاد النايمة دي ظروفها ايه قررنا نرجع نشوف فيه ايه بالظبط وانضم لنا شابين ولاد حلال برضه وقفنا نسأله لا حظنا انهم خمسة اطفال والرجل ظاهرعليه الارهاق الشديد وطريقة كلامه بطيئة جدا لدرجة تحسسك انه خلاص قال كل اللي عنده وبيرد ردود مقتضبه جدا تاكدنا انهم اولاده وامهم سابتهم ليه وهربت وهو اساسا من محافظة الشرقيه من منطقة الحكماء قسم تاني شرقية وكان قاعد مع والدته وطردته من البيت وكان بيشتغل بتاع عطور بيلف بيها فى القطارات والمواصلات العامة فتشناه نعرف منه اي حاجه محفظة مفيش اي فلوس بطاقته وورقتين فيهم كام اسم بارقام تليفونات كلمتهم مفيش حد يعرفه الا واحد يعرفه ويعرف انه عنده فعلا خمس اولاد وواد غلبان ده كل اللي يعرفه عنه هددناه انت اكيد خاطف الولاد دي وحنجيب لك الشرطة وافق نطلب له الشرطه طلبت النجده كل الحوارات دي فى حوالي ساعتين والولاد دي مستغرقه فى النوم وكانهم اهل الكهف بنتين وثلاث اولاد اكبرهم فى سن 11 او 12 سنة واصغرهم 3 سنوات مثلا

ويضيف انة تم الاتصال بالشرطة لاستبيان الامرفارسل قسم تاني كفر الشيخ 2 من افراد الشرطة يبدو مخبرين علي موتوسيكل تاكدو من شخصيته وقالوا آاااه الراجل ده كان عندنا امبارح وتم سؤالهم والتأكد من شخصيتهم وناموا عندنا للصبح فى المسجد وتم اطلاق سراحهم جميعا صباحا بصراحة بقينا واقفين مش مصدقين فين دور البلد احنا لو فى بلد بتحترم آدمية وحقوق البشر اكيدماكنش ده حصل وبعدين فين الرحمة كلنا معرضون الا من رحم ربي طبعا قمنا بالواجب مع الراجل ده من كافة شى لكن فى النهاية قسما بالله ماعرفت انام خمس اولاد زي القمر فى عز البرد مع اب قليل الحيله

ودعا لهم صاحب البوست ان يهون الله عليهم برد الشتاء على من لا ماوى لهم وانزل الدفء والطمأنينة عليهم وارحم ضعفهم وقلة حيلتهم واغنهم بفضلك عمن سواك ياااااااااارب