قصة عوض وزوجتة مع الكلاب الضالة بعد عوتهم في نص اليل
تداول رواد موقع التواصل الاجتماعي فيس بوك قصة ساخرة لسيدة مع زوجها أثناء عودتهما من مناسبة عائلية ليلا وصادفتهم مجموعة من الكلاب الضالة التي زادت بشكل ملحوظ في الشوارع والطرقات مؤخر وقال البوست
سيده تقول
من حوالي شهرين
كنت راجعه انا وجوزى من فرح بنت عمته
والمهم مارضيناش نركب توكتوك وقولنا نتمشاها شويه خصوصا ان البيت قريب بتاع ربع ساعه مشى
قولنا نرجع جو الرومانسيه شويه ونحكى واتدلع عليه وانا ماشيه
فيه شارع معين كده دايما مضلم
ودايما تلاقي فيه كلب ولا كلبين
المهم قولت لجوزى " ماتيجى نلف م الشارع التانى يا عوض "
قالى امشى يا وليه
" انتى هتخافى ومعاكى عوض ولا ايه ، امشى عيب "
وفضل يحكيلى عن امجاده ف فتره الطفوله
وانه قتل قبل كده سلعوتين
وانه قتل لوحده ديب سعران كان على اول البلد
وللأسف اخواته واهله كانوا بيأكدولى الكلام ده كل فتره
وده اللى خلانى اتطمن واطاوعه ونمشى من الشارع
المهم وبدون سابق انذار ف ام الليله بنت ال**** دى
سمعت صوت خروشه كلاب من على اول الشارع
"يا عوض تعالى نلف م الشارع التانى يخربيتك "
وكل اللى طالع عليه يقلى يلا يا وليه امشى عيب دنا عوض . دنا عوض الجن
"جن لما يبقي يفرمك يابعيد ما يخلى فيك حته "
واذ فجأه كده ببص على مستوى نظرى
ايام ماكان عندى نظر
لقيت بتاع فوق 30 كلب واقفين على اول الشارع
" يا عوض ! ياعوض فيه كلاب كتير "
" امشى يابت وماتخافيش ... ! استنى كده هنا ثوانى وانا هسبق انا اهشهم واوريك وهما بيجروا قدام عوض "
كأنه راح يهش دبان ابن الوارمه
حبيبى يا سبعى يا جملى يا ابو عيالى .. ايوه كده ابتديت اتطمن
عوض مشى
والدنيا ضلمه
وبدا عوض يختفى
ويختفى
ويختفى
وفجأه سمعت صوت هوهوة الكلاب بقى عالى اوى
وعوض لا حس ولا خبر
وفجأه !
لقيت عوض هاجم عليا من بعيد وبيقولى
" اجرى يابنت الكلب الكلاب هتاكلنا ، اجرى يحرق ابو اللى جاب ابوك "
" الكلاب هتاكلنا " ؟!
يالهوى
انا سمعت الجمله دى من هنا وقلعت ام الجزمه وطرت ورا عوض
يا عوض الحقنى . يا عوض استنانى يخربيتك
وهو ولا هو هنا . عوض فص ملح وداب ابن الوارمه
بعد 5 دقايق جرى الله يحرقه وصلت البيت وانا بترعش
بعد ما وصلت البيت لقيته قاعد ع الكنبه
وبيبصيلى وبيقولى استرى عليا الهى ربنا يسترك دنيا واخره
وطلعيلى غيارات عشان انا شكلى اتبليت
قولتله دنا هفضحك فضيحه المطاهر ف البلد كلها
" اخنقه دلوقتى ولا اعمل ف امه ايه ????????????
طب اللى ضحك من قلبه يوريني نفسه بدل ما اسيب كلاب عوض عليه???????????????? انت فين ياعوض منك لله.
