حوادث اليوم
الثلاثاء 22 أبريل 2025 07:03 مـ 24 شوال 1446 هـ
بوابة حوادث اليوم
رئيس التحريرصلاح توفيق
النعماني يتفقد مستشفى الاستقبال والطوارئ ويتابع الخدمات المقدمة للمرضي بوحدة تصوير القلب بالرنين المغناطيسي الاولي من نوعها علي مستوي الصعيد القصة الكاملة للزفة التي تحولت لمأتم بسبب معاكسة العريس لفتاة في سوهاج قتلها وانتحر من الدور الـ 12.. لماذا تخلص مهندس شبرا من زوجته؟ رمى نفسه.. شاب ينهي حياته في ظروف غامضة بعزبة النخل سقوط إمبراطورية المخدرات!.. ضبط شقيق سارة خليفة وتفاصيل صادمة عن ”شبكة الصنف الفاخر” في التجمع الأول قتل عروسته في الحمام وهي حامل.. لماذا تخلص عريس المنوفية من زوجته بعد الفرح؟ عايزه أتجوزك إنت مش أخوك.. كيف تخلصت ربة منزل من زوجها في ميت غمر؟ السجن 5 سنوات لـ 5 متهمين بتزوير توكيلات ومستندات رسمية في بورسعيد مصرع 3 أشخاص وإصابة 2 داخل بيارة صرف صحي في الإسكندرية حكاية موظف عاد من الخارج فاكتشف زوجته مع رجل آخر بعقد عرفي تفاصيل مخيفة في واقعة خطف موظف ابن زوجته العرفية وإنهاء حياته بالسلام إعدام عاطل قتل مسنة لسرقة أموالها فى بولاق الدكرور

تعرف علي مدافن الصحابة وعلماء الاسلام في مصر

مقابر الاوستراد
مقابر الاوستراد

تداول رواد مواقع التواصل الاجتماعي فيس بوك يوست عن مقابر تم دفن جثث عدد من الصحابة وقال البوسن موضحا

هل تعلم عدد الصحابة المدفونين اسفل جبل المقطم على الاتوستراد قبل الاباجية
انتا هتركب اي مكروباص للإتوستراد و هتنزل عند القرافة ..
تمام ؟؟
تطلع ع الأباجية و تسأل عالقرافة الصغرى ..
هتلاقي مسجد اسمه الليث بن سعد ..
هتدخل و تفضل ماشي هتلاقي ضريح ذو النون المصري ..
هتخليه على يمينك و تفضل ماشي هتلاقي نفسك بين ضريحين..

ضريح رابعة العدوية
واحد مكتوب عليه رابعة العدوية ( أيوه التائبة رابعة العدوية مستغرب ليه ) أصبر بس التقيل ورا ..
و التاني هتلاقي مكتوب عليه محمد بن الحنفية بن علي بن ابي طالب ( آه و الله) ..
هتسيبهم و تكمل مشي هتلاقي بره كده على يمينك قبة مكتوب عليها ضريح الشريفة فاطمة حسن الأنور ..
خد نفسك شوية و كمل مشي هتلاقي مسجد سيدي عقبة بن عامر الجهني ( كل دول اسيادنا من السلف الصالح خللي بالك) ..
هااا الحمد لله وصلت ؟
شايف بقى الضريح ابو قبة الكبير ده اللي في نص المسجد ؟
سيبك منه دلوقتي ( الموضوع كبير ) و كمل لحد الباب الخلفي للمسجد هتلاقي مربع متر في متر مدهون دهان أخضر تعبان قوي عالارض عدل ..
لا يا جميل ده مش مصطبة بلدي بتاعة واحد غلبان عشان سيادتك تقعد و تأنتخ عليها !!!
دا بقا و يا عارنا المخزي

قبر عمرو ابن العاص الحقيقي..
يبقا قبر سيدي و سيدك و سيدنا كلنا ..
عمرو بن العاص
مشفتوش مهزلة اكتر من كده ؟؟
لا يا سيدي مش مدفون في المسجد اللي في مصر القديمة زي ما كنا فاكريين ..
طب ليه مفيش قبة ومحدش يعرف مكانه؟؟
لان تم تهميشه بشكل مبالغ فيه ايام الفاطميين و اكيد عارفين ليه الفاطميين الشيعة بيكرهوا سيدنا عمرو بن العاص عمى و الخلاف معروف تاريخيا و مش وقته دلوقتي ..
طب ليه محاولوش يبنوا قبة بعد الفاطميين؟؟
عشان كانوا بينفذوا وصية عمرو بن العاص انه محدش يبني على قبره قباب و شواهد و يبقا قبر بسيط و صغير و كمان خوفاً عليه من الشيعة و جبروتهم ..
طب العظماء دول مدفونين هنا ليه ؟؟
المقوقس كان ماشي مع عمرو بن العاص مرة فقالوا ان المقطم بيطلع فيه شجر من الجنة و انه مكان طاهر و سيدنا عمر بن الخطاب وصى بدفن المسلمين فيها ...
خلصت لف ؟
اخرج بره خالص بقا و انزل تحت في القرافة الكبرى هتلاقي بقا الامام الشافعي و الملك العادل و قايتباي و خلفاء المماليك و العباسيين و الفاطميين و المقريزي و ابن عطاء الله و, الإمام الشاطبي اشهر من جمع قراءات القرآن على مقربة منهم و كل اللي ودنك سمعت عنهم من قبل ..
اتفرج و استمتع، و اتعلم و اعرف تاريخك الاسلامي ..
بس أوعى تحزن و أنت بتشوف كم الإهمال و القذارة إللي حوالين كل الأسماء الرنانة دي للأسف

العيون الساهرة

    xml_json/rss/~12.xml x0n not found