حوادث اليوم
الثلاثاء 22 أبريل 2025 07:13 مـ 24 شوال 1446 هـ
بوابة حوادث اليوم
رئيس التحريرصلاح توفيق
النعماني يتفقد مستشفى الاستقبال والطوارئ ويتابع الخدمات المقدمة للمرضي بوحدة تصوير القلب بالرنين المغناطيسي الاولي من نوعها علي مستوي الصعيد القصة الكاملة للزفة التي تحولت لمأتم بسبب معاكسة العريس لفتاة في سوهاج قتلها وانتحر من الدور الـ 12.. لماذا تخلص مهندس شبرا من زوجته؟ رمى نفسه.. شاب ينهي حياته في ظروف غامضة بعزبة النخل سقوط إمبراطورية المخدرات!.. ضبط شقيق سارة خليفة وتفاصيل صادمة عن ”شبكة الصنف الفاخر” في التجمع الأول قتل عروسته في الحمام وهي حامل.. لماذا تخلص عريس المنوفية من زوجته بعد الفرح؟ عايزه أتجوزك إنت مش أخوك.. كيف تخلصت ربة منزل من زوجها في ميت غمر؟ السجن 5 سنوات لـ 5 متهمين بتزوير توكيلات ومستندات رسمية في بورسعيد مصرع 3 أشخاص وإصابة 2 داخل بيارة صرف صحي في الإسكندرية حكاية موظف عاد من الخارج فاكتشف زوجته مع رجل آخر بعقد عرفي تفاصيل مخيفة في واقعة خطف موظف ابن زوجته العرفية وإنهاء حياته بالسلام إعدام عاطل قتل مسنة لسرقة أموالها فى بولاق الدكرور

حكاية أب يعرض اولادة للتبني علي الانترنت واهل الخير يتصدون بالمساعدة

تعبيرية
تعبيرية

تداول رواد موقع التواصل الاجتماعي فيس بوك منشور من علي صفحة الناشط رامي الجبالي قال فية

عاوز احكي لكم حكاية الأطفال اللي ابوهم باع سرايرهم من الفقر ... و هما جابوا غيرها.

امبارح نشرت حكاية أب عرض ولاده للتبني علي الانترنت .. و لما كلمته عرفت ان حياته صعبه و انه فعلا محتاج مساعده .. و انه من الفقر باع عفش بيته و حتي سراير ولاده باعها عشان يأكلهم ... و لما عرضهم للتبني كان عشان يروح يشتغل و يجمع فلوس يأكلهم لانه مش عارف يروح شغل لان ولاده صغيرين اوي مش عارف يسيبهم فين !

حكاية فوق الخيال

نشرت حكايته ... و لما نشرت حكايته ناس كثير اوي اوي فوق خيالكم بعتتلي تقولي عاوزين نساعده ... عدد رهيب فعلا .. أول مره يجيلي هذا الكم من الناس عشان يساعدوا حاله نشرتها !

فكلمته اسأله ... انت ايه حكايتك يا عم انت بهزار .. لقيت ولاده صوتهم جنبه بيضحكوا و مبسوطين .. فقولتله طمني عليك يا رب دايما مبسوط و مفرح عيالك.

سبحان مغير الاحوال

قالي الحمد لله ناس كثير اوي ساعدتني ربنا يكرمهم و يسترهم .. و اشتريت سراير جديده للولاد بدل اللي إضطريت ابيعها، و بكره هنزل شغل الحمد لله ... و اشتريت أكل للولاد و دفعت ايجار البيت المتأخر و سددت ديون السوبر ماركت ... سبحان مغير الحال .. انا مش مصدق نفسي !

فقولت له انت اكيد دعيت دعاء مستجاب .. انت دعيت بإيه ؟

قالي مش انا اللي دعيت .. انا بالليل بعد ما حضرتك كلمتني و قبل ما تكتب حاجه عني دخلت أطمئن علي الولاد وهما نايمين لقيتهم بيقولوا دعاء اول مره اسمعه ...

فقولتله ايه الدعاء ؟ قالي ..

" بسم الله الرحمن الرحيم، الله وحده لا شريك له "

فقولت له ايه الدعاء ده ؟ اول مره اسمعه .. فكان رده انه هو كمان ميعرفش مين قال لولاده الدعاء ده ... هو شخصيا ميعرفوش !!

هما عرفوه لوحدهم .. أولاده أعمارهم ٤ سنين و سنتين ...

لو فكرتم في الدعاء هتلاقوه رهيب .. ينفع في اي حاجه .. محتاج مساعده ؟ اكيد مفيش غير ربنا اللي عنده الحل ... مظلوم ؟ اكيد ربنا وحده اللي عنده الحل .. خايف ؟ اكيد ربنا وحده اللي عنده الحل !

دعاء رهيب .. الله وحده لا شريك له .. ادعوه و اطلبوا من كل محتاج و مظلوم يدعي ربنا سبحانه و تعالي بنفس الدعاء ... دعاء واضح انه مستجاب.

العيون الساهرة

    xml_json/rss/~12.xml x0n not found