اعترافات المتهمة بقتل زوجها ببدر: كنت بصلي قبل ما أعرف عشيقي

نستكمل في نشر التحقيقات في جريمة بدر، والمتهم فيها سيدة وعشيقها، بإنهاء حياة زوجها وتقطيعه داخل 11 كيسا، من أجل الخلاص منه ليخلو لهما الجو، ولم يكتفيا بما ارتكباه بل مارسا الجنس بجوار جثمان المجني عليه ياسر، زوج المتهمة الأولى فاطمة، وابن خالة المتهم الثاني سيد.

نص التحقيقات مع المتهمة

س: ما هو رد فعل أهلية المجني عليه عقب تبليغك لهم بتغيبه؟
ج: هما كلموا السواق اللي اسمه محمود وجه أخدني وروحنا عملنا محضر في القسم، عشان خاطر أقول إن ياسر متغيب من يوم الجمعة اللي فات، ويوم الأربع جم البيت أخدوني ورحت القسم، واعترفت بكل حاجة وده كل اللي حصل.

س: متى وأين حدث ذلك؟
ج: الكلام ده حصل من بداية تولد فكرة القتل في غصون يوم 25 / 12 / 2023 وحتى يوم التنفيذ 1/ 1 / 2024، والكلام ده حصل في مسكن بعمارة بمساكن المحافظة شقة 7 مدينة بدر.

س: منذ متى بدأت علاقتك بالمجني عليه ياسر.ع.ا، تحديدا؟
ج: أنا متجوزة ياسر.ع.ا، من 13 سنة.

س: وهل نتج عن تلك الزيجة ثمة أولاد؟
ج: أيوة بعد جوزنا بـ7 سنين خلفنا ابننا حسن.

س: وهل يوجد ثمة خلافات فيما بينك وبين المجني عليه حال العلاقة الزوجية؟
ج: أيوة هو أنا مكنتش بحب ياسر، واستمرت العيشة بينا وأنا مبحبوش وأهلى كانوا غصبيني عليه، وأنا كذا مرة كلمتهم، إنه مش بيعاملني كـ ست ومبيدينيش حقوقي الزوجية والشرعية، وأهلي ردوا عليا وقالولي استحملي عشان ابنك، ومتتكلميش في الموضوع ده تاني، وكلمتهم كذا مرة ومنهم مرة أنا غضبت وروحت بيت أهلي، راحوا ضربوني وودوني على بيت جوزي بالعافية.

س: ومتى نشأت العلاقة بينك وبين المتهم سيد.ك.؟
ج: أنا اتعرفت على سيد عشان هو ابن عم جوزي، كان بيجلنا البيت.

س: وما سبب ومناسبة وجود المتهم سالف الذكر بمنزل الزوجية خاصتك؟
ج: لأن ياسر جوزي كان بيطلب من سيد وأنا في البلد إنه يوصلني ويجيبلي طلبات البيت أو أي حاجة احتاجها، لأنه ابن عمه وبيثق فيه، وأنا في الفترة دي اتعرفت عليه.

س: وهل من ثمة تطورات بتلك العلاقة؟
ج: أيوة احنا بدأنا نتكلم مع بعض في التليفون لمدة سنة، وبدأ يعرف عني كل حاجة حتى مشاكلي مع ياسر، ولما ياسر كان بينزل مصر هو كان بيعملي كل طلبات البيت، وبدأت تتطور العلاقة بينا وحبينا بعض، وكان بيسألني عن مشاكلي وبقى يحلها معايا، وبقيت بعتمد عليه في كل حاجة، وقربنا من بعض جامد، ولقيته في مرة بيقولي، أنا عايز أجيلك البيت، وأنا في البلد وأنا وافقت.

س: وهل أقمتي علاقة آثمة فيما بينك وبين المتهم الثاني؟
ج: أيوة، هو في مرة جالي ودخل البيت وحاول يعمل معايا علاقة، وأنا كنت رافضة في الأول، وبعدين وافقت، ودي كانت أول مرة نعمل علاقة، وكانت من سنتين.

س: وكم عدد المرات التي قمتم بإقامة تلك العلاقة الأثمة؟
ج: احنا عملنا علاقة مع بعض كتير، ومعرفش عددهم.

س: وما المدة الزمنية التي استمرت بها تلك العلاقة؟
ج: العلاقة استمرت حوالي سنتين بنام مع بعض، وهو كان بيجيلي وأنا في البلد مرتين أو 3 كل أسبوع طول الفترة دي.

س: وهل من ثمة مرجعة للنفس جراء تلك الأفعال؟
ج: أيوة أنا كنت بصلي قبل ما أعرفه، وبعد ما بقى يعمل معايا علاقة مبقتش أصلي.

س: وما هو محل وجود زوجك المجني عليه طوال تلك الفترة؟
ج: هو ياسر كان شغال في بدر، وكان بيسيب البيت كتير.

س: وهل أقمتم ثمة علاقة خارج منزل الزوجية خاصتكم؟
ج: أيوة، هو أنا كنت باجي لياسر من البلد زيارات، وأنا كنت بكلم سيد، وكان بيجيلي على الشقة بتاعة جوزي في مدينة بدر لما هو كان بينزل على الشغل.

س: ومتى تحديدا قمتم بالانتقال لمحل سكنكم الحالي؟
ج: هو جوزي أخد الشقة اللي قاعدين فيها دلوقتي، وطلب مني آجي أعيش معاه بصفة مستمرة، وفعلا جبت ابني وجينا نعيش هنا من حوالي شهر تقريبا.

س: وهل ما زالت العلاقة الاثمة قائمة بينك وبين المتهم عقب وجودك بمحل الواقعة؟
ج: أيوة إحنا كنا لسه بنتكلم، وسيد كمان كان بيجيلي في البيت الجديد، كل لما ياسر بيكون مش موجود.

س: وما هي طبيعة عمل المتهم سيد؟
ج: هو شغال في فندق في وسط البلد، وأنا مش عارفة الصراحة اسمه ايه.

س: ومتى تولدت لديكم نية قتل المجني عليه تحديدا؟
ج: هو سيد طلب مني إن احنا نقتل جوزي ياسر ونتخلص منه أكثر من مرة، الكلام ده حصل من حوالي سنتين تقريبا، وأنا رفضت وقولت له لا، ومن حوالي أسبوعين قالي إحنا لازم نخلص عليه، وهقطع جثته ونرميها، وهنخليكي تروحي تبلغي إنه نزل الشغل مرجعش، وأنا قولتله إن الحكومة هتعرف قالي لا متقلقيش.

س: وما هو رد فعل المتهم حال رفضك لتلك الفكرة في بداية الأمر؟
ج: هو أنا قولت له يلا نهرب من البلد، قالي لا ولو مشيتي هجيبك وهقتلك، وإحنا لازم نخلص عليه.

س: وما هو الدافع وراء ذلك الإصرار من قتل المتهم الثاني؟
ج: لأن هو قالي إحنا نتخلص منه عشان نفضل مع بعض، وعشان مفيش وريث له غيرك، وناخد الفلوس بتاعته.

س: وهل ترك المجني عليه ثمة إرث؟
ج: أيوة، هو عنده عربية ربع نقل وأكثر من بيت وفلوس كتير مشغلها في البلد.

س: وما هي طبيعة عمل المجني عليه؟
ج: هو شغال مقاول أنفار في العاصمة الإدارية..