رحمة احمد لواتحطيت في مقارنة مع دينا سمير غانم اكيد هبق انا الخسرانة
تحدثت الفنانة رحمة أحمد بطلة الجزء الساديس من سلسلة "الكبير قوي" عن مقارنتها بالفنانة دنيا سمير غانم والتي جسدت شخصية "هدية" في الأجزاء السابقة.
وكتبت رحمة أحمد عبر حسابها على فيسبوك:"أنا مش عارفة اعبر ان احساسي بالامتنان، الحمدلله والشكر لله اي حاجة حلوة حصلت او اتقالتلي ده كرم كبير اوي من ربنا يمكن اكبر من اللي استحقه عاوزة اقول ٣ نقط".
وتابعت: "الأولى وهفضل اقول البوقين دول كل ما حد يشاور النقطة دي ان فنانة زي دنيا سمير غانم لا تقارن بحد انا مش حد خالص انا من فانز دنيا سمير غانم لان لو اتحطينا في مقارنة من المؤكد اني انا اللي هبقى خسرانة"
وأضافت: "الثانية بعد توفيق ربنا ان فنان زي احمد مكي يدي مساحة لحد يقول حاجة مبتحصلش من اي فنان موجود عالساحة.. الراجل ده عنده اللي يكفيه وزيادة انه يسيب فنان قدامه يقول وهو سايب ايده، مهما اتكلمت عنه مش هوفيه حقه فنيا ولا انسانيا".
وعن المخرج أحمد الجندي قالت "المبدع احمد الجندي ميتخيرش عنه يسيبك تقول ويعليك ويركبلك شغل ..وذكي يعرف يطلع ضحك من اي شخصية ويحطها في مكانها الصح".
وتابعت "الثالثة.. ليك انت يا حبيب قلبي..اخويا الكبير الداعم المستمر بكل الطرق...صادق في فرحته ..انا مهما حكيت عاللي عملته معايا عشان اوصل اني ابقا في عمل من أهم الأعمال في رمضان مش هكفي فيك كلام....شكرا أحمد أمين الاخ والفنان والإنسان انك دايما جنبي"
وأضافت "احمد امين، احمد مكي، احمد الجندي، انتو مكسب لاي فنان ولاي شخص وبشكر ربنا دايما ان ربنا كتبلي اني اعرفكو"
واختتمت كلامها "وشكرا لاي حد دعمني حتي لو بكلمة كويسة وبالاخص صلاح الدالي..فنان هياخد حقه كويس جدا ويستاهل اكتر بحبك يا صلوحة، شكرا لاي حد وقف جنبي واللي اداني ضهره وربنا لاوريك".
ويعرض مسلسل الكبير أوي خلال موسم رمضان 2022، والذي بدأ تصويره قبل رمضان بعدة أشهر، وتم إلغاء دور هدية في مسلسل الكبير والذي اشتهرت الفنانة دينا سمير بتقديمه، وتم استبدال الدور بشخصية مربوحة التي تقدمها الفنانة رحمة احمد والتي لفتت الأنظار بخفة ظلها.
ويشارك في بطولة المسلسل بجانب النجم أحمد مكي نفس نجوم الأجزاء السابقة، منهم بيومي فؤاد وهشام إسماعيل ومحمد سلام، والمسلسل من تأليف مصطفى صقر، وإنتاج شركة سينرجي، وإخراج أحمد الجندي.
