مبروك الطلاق ياهانم بس لازم تعرفي ماذا سيحدث؟

من الموضوعات الهامة الذي يتم تناولها علي مواقع التواصل الاجتماعي هي قضايا الطلاق التي انتشرت مؤخرا بين الشباب وياتي هذا البةست المنتشر علي مواقع التواصل الاجتماعي كتحذير للفتيات للحفاظ علي كيان الاسرة يقول البوست

بنات كتير فرحانه أنها بقت مطلقه اولا من قلبى ألف ألف ألف مليون مبروك يله بقى خدى اولادك فى حضانتك وابوهم هيبقى يبعت ليهم مصاريفهم من الحكم اللى هتحكمه المحكمه تمام طبعاا المصاريف ممكن متكفيش البيت والأولاد طبعاا هتطلعى تشتغلى تمام جبتى فلوس اوك،،شويه زهقت من الشغل والتعب وتربيه الاولاد والمصاريف حاجه من الاتنين يا اما تتجوزى تانى وتدخلى راجل غريب على اولادك وخاصه لو بنات تماما واساسا مفيش حد بيربى ولاد غيره ،،يا اما هتكملى طول عمرك كده محدش هيرضى يتزوج وحده باولادها إلا من رحم ربى قله قليله فقط ،، طب ليه كل ده وعلشان ايه الطلاق عارفه ليه ،،علشان مفيش حد كان عاوز ينصحك نصيحه لوجه الله ،،ايوه اتطلقى يا بت وبكره يجيلك سيد سيده وفى الاخر بعد ما تطلقى الكل بيبعد عنك ،،صحبتك الانتيم، وصحباتك هيبعدوا عنك هيخافوا على ازواجهم منك منتى خلاص مفيش راجل معاكى هيبعدوا عنك وهتبقى معرضه لكلام اللى يسوى واللى ما يسواش حتى اخواتك المتجوزين كل واحد عنده مراته وأولاده مش فضيلك ،،طب ابوكى وامك لو عاشوا السنه دى مش هيعشولك السنه اللى جايه أو بعد عمر طويل هيمشوا ،،انتى فين حرام عليكى نفسك وصحتك واولادك طب ليه من الاول الطلاق مش كان ممكن نصبر شويه نشوف المشكله فين ونحلها ما ندخلش تدخلات خارجية من بره وتعرف أسرانا واسرار بيوتنا وتوقع ما بين الازواج وبعضها

اتقوا الله وبلاش طلاق الطلاق خراب بيوت متدوش ودانكم لحد نصيحه يبنتى لوجه الله ،،،حافظى على جوزك واولادك واهلك وامك وابوكى والله العظيم الست ملهاش غير بيتها وجوزها واولادها ثم لو كان

لابد من الفراق والطلاق يبقى بااحترام وبالمعروف وبعد الطلاق يبقى برضه ولا تتكلمى عليه وحش ولا انت تقول كلمه فى حقها وحشه علشان الست دى كانت فى يوم من الايام عرضك وشرفك يا عم الراجل وبعد ما سبتك فهى عرض رسول الله صلى الله عليه وسلم فبلاش تتكلم فى عرض بنت او حق انثى علشان عندك اخوات بنات
اظن انا قلت اللى عندى واخر مره ابوس ايديكم بلاش طلاق بلاش خراب بيوت حبوا بعض قربوا من بعض الدنيا كلها منفاته انتم متجوزين علشان الموده والرحمة والسكن والاستقرار انتم مش فى حرب واخيرا والله العظيم الكل هيتحاسب وهنقف أمام الله كلنا راكعين نرجوا رحمه الله يوم القيامه فى يوم لا ينفع فيه مال ولا بنون إلا من أتى الله بقلب سليم...