«وحياة أمى هقلبلكم الدنيا»| الفنانة سمية الخشاب تتوعد
كشفت الفنانة سمية الخشاب، أنها تحب لقب "بنت البلد"، وبقول لطلبة الثانوية العامة ما تقلقوش وما تخافوش، الثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها، جاء ذلك خلال مداخلة هاتفية لبرنامج خلاص صحينا الذي تقدمه مارينا المصرى على ميجا اف ام .
وأضافت سمية الخشاب: أقول للأهالى كونوا فخورين بأولادكم ولازم تقفوا جنبهم وتشجعوهم، و جبت فى ثانوية عامة 96% وأكتر مادة كنت بخاف منها هى الجغرافيا وكنت بحب العربي والفرنساوي جدا، و اتعلمت من مدرس الفرنساوي علمنى الدقة في المواعيد.
واختتمت الخشاب، قائلة: أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها، وبحضر لمسلسل قريب وهيكون حاجة مختلفة جدا إن شاء الله.. وعندي أغنية جديدة هتقلب الدنيا.
وتعود الفنانة سمية الخشاب لتقديم مسلسل جديد بعنوان " دم نقي " ، و تدور أحداث المسلسل في إطار تشويقي مثير ، و من المقرر الإعلان عن باقي أبطاله في الفترة المقبلة ، علي أن يبدأ التصوير في شهر يوليو القادم ، المسلسل من إخراج محمد سلامة.
ويذكر أن سمية الخشاب قد تعاقدت منذ فترة علي المشاركة في بطولة مسلسل " ظروف خاصة " من بطولة مصطفي قمر، وإنتاج محروس المصري، وإخراج محمد عبد الخالق، ويمثل عودة التعاون بين سمية الخشاب ومصطفي قمر بعد 19 سنة، منذ أن قدما سويا فيلم " بحبك وأنا كمان" في عام 2003.
