حكايات دينا الشربيني مع الهضبة عمرو دياب
تحدثت لفنانة دينا الشربيني عن العديد من الأمور في حياتها الشخصية والمهنية، أبرزها علاقتها بالسوشيال ميديا، موضحة أن علاقتها بها غير جيدة، باستثناء تطبيق تيك توك، قائلة: «علاقتي بالسوشيال ميديا نيلة.. بحس إني مش شاطرة فيها وممكن أعك الدنيا وكمان الناس فيها متدخلين في حياة بعض أوي.. لكن بحب التيك توك».
وبسؤالها عن ما تعلمته من تجاربها السابقة، وقالت الفنانة دينا الشربينى ضيفة على برنامج «معكم منى الشاذلى» الذي تقدمه الإعلامية منى الشاذلى، مساء اليوم، على قناة cbc أنها تعلمت ألا تحكم على حياة الأشخاص من الخارج، قائلة: «اتعلمت إن ممكن أبقى شايفة حد من برا إن حياته بشكل ما لكنها في الحقيقة بشكل تانى.. يعنى ممكن تبقي شايفة حاجة من برا بس عمرك ما تبقى عارفة إيه اللى جوا.. لذلك لا تحكم ولا تتكلم في الموضوع أصلا لأن عمرك ما هتعرف إيه اللى بيحصل».
أضافت: «اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلمي منها حاجة».
من جانبها، قاطعتها منى الشاذلى قائلة: «يعنى اتعلمتي إن مينزلكيش صورة مكتوب عليها فريق العمل؟» لتجيب دينا الشربينى ضاحكة: «ده أكيد.. والله ما هتشوفوني فريق عمل في حياتى.. هيبقي في عمل بس».
تابعت: «فضلت فترة بيتقال (فريق العمل راح وجه)، بس أنا مش من النوع اللى بيدور كتير على السوشيال ميديا فمكنتش بقرأ كل الكلام ده، وكمان عمرى ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس».
كان الفنان عمرو دياب صرح عام 2018 قبل ارتباطه بالفنانة دينا الشربينى إنها ضمن فريق عمل فيلمه الجديد «الشهرة» والذى لم يعرض بعد، حيث استغل جمهور كلمة الهضبة «فريق العمل» التى وصف بها علاقته بها، حيث تصدرت موقع التواصل الاجتماعى «تويتر» ضمن قائمة الأكثر بحثًا.
