اعترافات قاتل الشاب محمد صوان في المرج: قتلته بسلاحه اللي كان مخبيه عندي
ننشر نص التحقيقات في قضية مقتل الشاب محمد صوان بالمرج، ودفن جثته داخل حفرة بحجرة المطبخ داخل منزل المتهم بمساعدة والده لإخفاء أثر الجريمة، لكن بقعة دماء على سجادة غرفته ورائحة الجثة، قادت رجال المباحث للعثور على مكان الجثمان المفقود، وذلك عقب تتبع خط سيره من كاميرات المراقبة.
اعترافات قاتل محمد صوان في المرج
واستدعى رجال التحقيق المتهم بقتل محمد صوان شاب المرج، لجلسة تحقيق عقب القبض عليه، بعد مواجهته بالجثمان، لإنكاره معرفة مكان وجود صديقه طيلة فترة تغيبه.
وجاءت أقواله حول ما هي ظروف نشأته الاجتماعية: أنا بدرس في معهد الألسن مدينة نصر وكنت في سنة رابعة.
س: وما حرفتك ؟
ج: أنا اشغال في تدريب محاسبة في المصنع بقالي سنة.
س: ومنذ متي تباشر تلك الحرفة؟
ج: أنا شغال هناك بقالي سنة
س: وما مقدار دخلك منها؟
ج: بقبض من المصنع 3500 جنية.
س: وما الطرق التي اعتدت ارتيادها إبان عملك بذات المكان؟
ج: أنا بتحرك مع أبويا بطريق اسية وبتكمل على طريق بلبيس كأنك رايح على العبور.
س: وما علاقتك بالمجني عليه محمد. م صوان؟
ج: إحنا أصحاب.
س: وكيف جرى تعارفكما؟
ج: عشان من حوالي خمس سنين ابن عمي محمد فوزي كان فاتح محل بلايستيشن عند محطة المرج القديمة واتعرفت عليه من هناك وبيقنا صحاب من ساعتها.
س: وما زمان ومكان تعارفكما؟
ج: إحنا اتعرفنا على بعض من خمس سنين تقريبا في محل البلاي ستيشن بتاع ابن عمتي.
س: وكيف تطورت علاقتكما؟
ج: كنا بنروح نتقابل في البلايسيشن وكنا بنزل نخرج وكده.
س: وعلام آلت؟
ج: كنا صحاب عادي وهو كان ساعتها عارف إن عندي شقة فاضية فكان بيجيب عندي أي مطواة أو سكينة وكده واخر مرة جابلي السلاح الناري والطلقة كمان من حوالي 3 أسابيع.
س: وما سبب شعورك نحوه بذلك؟
ج: هو عارف إن عندي شقة فاضية في كان بيجيب الحاجة يخبيها عندي.
س: وكيف نما إلى علمه أنك لديك مسكن آخر فارغ؟
ج: بحكم إن إحنا كنا صحاب وكنا بنقعد في الشقة دي زمان.
س: وما مواصفات السلاح الناري والذخيرة؟
ج: هو كان سلاح ناري فرد خرطوش وكان معاه طلقة كان مكتوب عليها 12 وكان لونها أحضر.
س: ومن أين استحصلت عليه؟
ج: محمد. م هو اللي كان مديهوني أشيله عندي في البيت.
س: وفقا لما قررته سلفا بالتحقيقات إنك دايما تقوم بوضع أسلحة المجني عليه محمد. م صوان بالشقة الموجودة بالدور الأرضي.
ما الذي دفعك تلك المرة لوضع السلاح الناري والذخيرة بالشقة العلوية بالطابق الثاني؟
ج: عشان مبقاش فيه مكان أحط فيها السلاح مفيش مكان ممكن أخبي فيه الحاجة.
س: وفقا لما قررته سلفا بالتحقيقات ما الذي منعك من وضع السلاح الناري والذخيرة داخل الصندوق الخشبي الموجود داخل الغرفة بالطابق الأرضي؟
ج: عشان صندوق الخشب عريان مش متغطي ممكن لو حد من أهلي دخل كان يشوفه.
س: وما صلته بالسلاح الناري والذخيرة؟
ج: أنا معرفش هو جايبه منين هو بس طلب مني أخلي السلاح والطلقة عندي في البيت.
س: وأین احتفظت به؟
ج: أنا حطيته تحت السرير بتاعي اللي موجد في الشقة اللي في الدور الثاني.
س: وما أوجه استخدامك للأسلحة النارية من قبل؟
ج: أنا كانت أول مرة أمسك سلاح ناري.
س: ولم ترك تلك للاحتفاظ بذلك السلاح والذخيرة؟
ج: عشان معتاد يحوش مكان يحطهم فيه.
س: وما الذي حدث بتاريخ الواقعة على وجه التحديد؟
ج: اللي حصل إنه بتاريخ 18/8/2024 حوالي الساعة 12:20 صباحا أنا كنت في البيت وكنت واقف في شباك الأوضة بتاعتي با أتكلم في التليفون لقيت المجني عليه محمد صوان معدي من تحت وبيقولي إيه هتعمل إيه؟ هتنزل القهوة قولتوا لا قالي طيب استنى أنا طالعك وبعد لما طلع وقفلنا باب الشقة فروحت قولتله أنت مش هتاخد السلاح الخرطوش بتاعك ده قالي لا خليه عندك شوية قولتله طيب ما تعلمني ازاي اضرب بيه وكده روحت جيبت السلاح والطلقة من تحت السرير بتاعي وكنا واقفين بره في الصالة وبعد كده ادتهولوا وقولتوا علمني ازاي لأحط الطلقة في السلاح واضرب بيه وبعد كده دخلت الاوضة تاني عشان اقفل التليفون وبعدين طلعتله وأخدت السلاح من إيده بس مكنتش عارف إن فيه طلقة ولسة بقولوا بيشتغل ازاي راحت الطلقة طلعا من الماسورة دخلت في قلبه وبعد كده وقع على ضهره وبدأ يطلع دم كتير مكان الضربة وحاولت اشوف أي حاجة أجيبها أوقف الدم بس هو كان خلاص مات علطول.
س: ما التصرف الذي بدر من كل منكما عقب إطلاق العيار الناري صوبه وإحداث أصابته؟
ج: هو قال آه بصوت عالي ووقع على الأرض وبدأ يطلع في الدم ومات.
س: ما هي المدة الزمنية التي استغرقها المجني عليه حتى حدثت وفاته عقب أحداث إصابتك له؟
ج: أقل من نص دقيقة.
س: وما الملابس التي كنت ترتديها في تلك الأثناء؟
ج: أنا كنت لابس شورت لونه أسود وتيشرت بس مش فاكر لونه.
س: وما هي الملابس التي كان يرتديها المجني عليه؟
ج: لابس فانلة كات وتحتيها تي شيرت نص كم أبيض وبنطلون أسود.
