شاهد عيان على جريمة البراجيل: لقيت المجني عليه مرمي بين الشجر وفوق صدره حجر كبير

أقوال الشهود وأدلة الإثبات في القضية رقم 8584 لسنة 2024 جنايات أوسيم المقيدة برقم 2432 لسنة 2024 كلي شمال الجيزة، والمتهم فيها حسام. ص. خ، بقتل صديقه داخل أرض زراعية، بسبب خلافات بينهما عندما ارتبط المجني عليه بخطيبة المتهم السابقة.

تحقيقات جريمة البراجيل

وبمثول أحد شهود العيان على الواقعة أدلي المدعو محمد أشرف العيسوي 24 عاما، أمام جهات التحقيق مقيم بالبراجيل مركز أوسيم الجيزة، يعمل سائق، وبسؤاله حول ما هي صلته بالمتوفى سيد بريك؟ أجاب: والده خال أمي.

س: كم يبلغ من العمر سالف الذكر تحديدًا؟
ج: 21 عاما.

س: ما صلتك بالواقعة محل التحقيقات؟
ج: أنا اللي لقيت جثمان سيد بريك على الأرض على طريق الضبعة جنب الزراعات.

س: ما تفصيلات حدوث الواقعة ومعلوماتك عنها تحديدًا؟
ج: اللي حصل إني كنت لسه مخلص شغل بالليل ومروح، لقيت الناس في الشارع وناس معرفة برده بيسألوني عن سيد، فقولتلهم هكلمه قالولي لا دا تليفونه مقفول بقاله شويه، وبعدين روحت البيت ونمت وصحيت النهاردة الصبح الساعة 7:30 صباحًا، لقيت أهله واقفين في الشارع والشارع كله مقلوب، بقولهم في ايه قالولي سيد بريك مش لاقيينه من امبارح السبت بالليل، فقعدنا ندور عليه وبعد كدا روحنا نقطة شرطة البراجيل بلغنا باللي حصل.

ونزلنا ندور عليه ثاني ومشينا في طريق الزراعات جنب محور الضبعة والأهالي قسمت نفسها على طريق محور الضبعة وقرية البراجيل برده بتدور في الأماكن دى على سيد، لغاية وأنا ماشي على الطريق جنب الزراعات ما بين الشجر، لقيت واحد مرمي على الأرض وفوق صدره حجر أبيض كبير روحت أبص على الوش، لقيته سيد بريك، ووشه كله عرفان دم وسنانه مكسورة ومزرق جريت على أهلي وقولت لهم، أنا لقيت سيد مرمي على طريق الزراعات محور الضيعة والحكومة جت على طول على المكان وحضرتكم برده جيتوا وشوفتوا اللي حصل، وهو دا اللي حصل من امبارح بليل لغاية النهارده الساعة 2:30 ظهرًا.

س: متى وأين حدث ذلك؟
ج: امبارح أنا كنت مروح بيتي ولقيت الناس يسألوني على سيد كانت على الساعة 11:30 مساء في شارع المشتل قرية البراجيل، ولما لقيت جثمان سيد بريك كان النهاردة الأحد الساعة 2:30 ظهرًا جنب الزراعات بطريق محور الضبعة البراجيل الجيزة.

س: ومتى تحديدًا نمى إلى علمك تغيب المتوفى سيد بريك؟
ج: لما كنت مروح إمبارح البيت بالليل بعد ما خلصت الشغل.

س ومتي تحديدا تقابلت مع المجني عليه سالف الذكر قبل العثور على الجثمان؟
ج: كنت لسه شايفه يوم الجمعة الموافق 1/ 3/ 2024.

س: وما الحالة التي كان عليها تحديدًا حال تقابلك معه آنذاك؟
ج: كان كويس وكنا قاعدين مع بعض ومكنش فيه أي حاجة.

س: وهل من ثمة حوار دار فيما بينك وبين المتوفى تحديدا؟
ج: ايوة.

س: وما مضمون ذلك الحوار تحديدًا؟
ج: كنت بطمن عليه وبيطمن عليا وقعدت معاه شويه، ومكنش فيه أي حاجة ولا اشتكالي من حاجة.

س: وأين تحديدًا تقابلت معه؟
ج في المغسلة بتاعته.

س: وأين تقع تحديدا؟
ج: في شارع مصطفى كامل بقرية البراجيل.

س: وما طبيعة عمل المتوفى تحديدا؟
ج: كان صاحب مغسلة غسيل سيارات مأجرها من واحد من الجيران بياكل فيها عيش.

س: وهل تقابلت معه عقب تلك المرة تحديدا؟
ج: لا للأسف أنا لقيته النهاردة ميت.

س: صف لنا الحالة التي عثرت عليها الجثمان تحديدا؟
ج: لقيته سيد مرمي علي الأرض ووشه كله دم ومتبهدل وحجر فوقه.

س: وما كيفية وضعيته بتلك الحالة التي شهدت بها الآن بالتحقيقات تحديدا؟
ج: نايم على ضهره وفي حجر كبير فوق صدره ووشه کله غرقان دمه وتقريبا سنانه كان فيها كسر ووشه برضو كان
مزرق.

س: وما التصرف الذي بدر منك حيال ذلك تحديدا؟
ج: شلت الحجر والناس اللي معايا دحرجناه من فوقه لأنه حجر كبير فوق صدره ولقينا علي الحجر ده كان في دم
وجريت بلغت أهلي.

س: وما التصرف الذي بدر من أهليتك حيال إبلاغك لهم بما رأيته تحديدًا آنذاك؟
ج: جريوا ولقوه بالحالة دي اللي قولت لحضرتك عليها دلوقتي وبلغنا الحكومة إننا لقينا جثة سيد ميت والحكومة جات على طول.

س: وما طبيعة الملابس التي كان يرتديها المتوفى سيد بريك؟
ج: كان لابس من فوق تيشرت أصفر بكم فيه جيوب ومن تحت منه ينطلون أسود، وكان حافي القدمين ووشه كله مزرق وملیان دمه.

س: وما طبيعة الأداة التي عثرت عليها فوق الجثمان تحديدا؟
ج: لقيت حجر كبير لونه أبيض عليه دم.

س: وأين تحديدًا عثرت عليه؟
ج: كان فوق صدر سید.

س: وما التصرف الذي بدر منك حيال ذلك؟
ج: قعدت أزق فيه أنا وناس من الأهالي لما اتلمت وكان عليه دم

س: وما تعليلك بالعثور على تلك الحجارة الآثار تلوثات دموية تحديدا؟
ج: ده دم سید.

س: وكيف وقفت على ذلك؟
ج: لأن وشه كله كان مليان دمه ومزرق والحجر فوق صدره فأكيد الدم اللي من الوش أو الله أعلم أضرب بيه إزاي وعليه دمه.

س: وما طبيعة محل عثورك على الجثمان تحديدا؟
ج: هو كان مرمي جنب الزراعات على الطول أراضي زراعية عزبة محسن حوض المائة قرية الزيدية محور الضبعة، أوسيم الجيزة والطريق اللي كنا واقفين عليه اللي بين الطريق الرئيسي والزراعات طريق ترابي بيفصل بينهم.