دنيا سمير غانم .. على طول كسبانة
أكدت الفنانة رحمة أحمد، أن مقارنتها بالفنانة دنيا سمير غانم، فيها ظلم كبير لها.
ورحمة تجسد جسدت شخصية "مربوحة" في الجزء الثالث من مسلسل "الكبير أوي 6"، والذي يعرض حالياً ضمن سباق دراما رمضان 2022
ووجهت رحمة أحمد، الشكر في بداية الأمر للفنان أحمد مكي والمخرج أحمد الجندي وأحمد أمين وذلك من خلال منشور لها نشرته عبر حسابها على موقع التواصل الاجتماعي "فيسبوك".
وقالت رحمة، "انا مش عارفة أعبر عن إحساسي بالامتنان ..الحمدلله والشكر لله أي حاجة حلوة حصلت أو اتقالتلي ده كرم كبير أوي من ربنا يمكن أكبر من اللي استحقه عاوزة أقول ٣ نقط".
وتابعت رحمة أحمد، "الأولى وهفضل اقول البوقين دول كل ما حد يشاور النقطة دي ان فنانة زي دنيا سمير غانم لا تقارن بحد انا مش حد خالص انا من فانز دنيا سمير غانم لان لو اتحطينا في مقارنة من المؤكد اني انا اللي هبقى خسرانة".
وأضافت "الثانية بعد توفيق ربنا ان فنان زي احمد مكي يدي مساحة لحد يقول حاجة مبتحصلش من اي فنان موجود عالساحة.. الراجل ده عنده اللي يكفيه وزيادة انه يسيب فنان قدامه يقول وهو سايب ايده، مهما اتكلمت عنه مش هوفيه حقه فنيا ولا انسانيا".
وعن المخرج أحمد الجندي قالت: "المبدع احمد الجندي ميتخيرش عنه يسيبك تقول ويعليك ويركبلك شغل ..وذكي يعرف يطلع ضحك من اي شخصية ويحطها في مكانها الصح".
