شاهد قصة -الست العصبية خربت بيتها وقعدت علي «تلة »تنعي حظها العاثر وتعاني الوحدة

انا سيدة علي قدر معقول من الجمال واعاني من العصبيه وسريعه الانفعال بعد حصولي علي مؤهلي الجامعي اتخرجت تقدم لي شاب قريب مني في السن الي حد ما وتمت خطبتي ه ١٠ شهور واتجوزنا من اول اسبوع جواز واحنا في مشاكل انا بتعصب وهو مش مستحمل كلامي كنت بكلم ماما وبابا تليفونيا كل نص ساعه احكيلهم عن كل حاجه وهما كانو كل يوم لازم يجيو البيت عندي المهم المشاكل كترت بسبب اني بحكي تفاصيل حياتي كلها لماما وبابا قالولي ده هيبهدلك معاه انت تاخدي حبوب منع الحمل لحد ما نشوف هنعمل ايه وكترت المشاكل وماما قالت انت لازم تطلقي منه وفعلا بعد شهرين أطلقت واخدت حجتي بس وذهبي وبعد سنه جالي عريس تاني هو كان متجوز بقاله ١٠ سنين ومرته مش بتخلف؛

جوازة ثاني مرة

بس هو ظروفه الماديه كويسه وشغال شغلانه محترمه وهو وأهله في قمه الأدب واول حاجه قالها لبابا انه مش هيطلق مراته القديمه عشان هي ملهاش ذنب في موضوع عدم الخلف ودي حاجه بتاعت ربنا وهو مش عايز يظلمها بابا قاله هشاور وارد عليك ولما جه يسألني ماما قلتلي وافقي عليه ده اول لما تخلفيله حته عيل هيبقى زي الخاتم في صباعك،،

زوج كريم

وفعلا وافقت اشترالي شقه جديده وعفش جديد وجابلي دهب رغم اني واخده عزالي القديم اللي كنت متجوزه بيه قبل كده

وفعلا حصل حمل وبدأت احاول انه يطلق مراته بكل الطرق وكل يوم اغضب عند اهلي بسبب وبدون سبب ويجي يخدني لحد ما ولدت جبت ولدين توأم بدأت اضغط عليه بالاولاد واخدهم واروح عند اهلي عشان يطلق مراته وهو يتمسك بيها اكتر لدرجه اني اختهم وروحت عند اهلي وحرمته من انه يشوفهم كان بيبعتلي ناس قرايبي وهو يجي وانا اقوله مش هرجع ومن كتر البعد بدا يبعد هو كمان ومعدش عايز يشوف عياله وبعت ناس قال عايزين نخرج بالمعروف قال انه هيديني مصاريفي الشخصيه ومصاريف عيالي والعفش كامل بتاعي وبتاعه وهو ملزم بكل مصاريف عياله من لبس لعلاج لأكل كل شئ حسيت اني عايزه انتقم منه عشان اختار اللي مبتخلفش ورماني انا وعياله ماما قالتلي هومش هيرجعلك غير لو رفعنا عليه قواضي وحس ان كل حاجه هتروح منه وفعلا خدتني وروحنا للمحامي قالي انا هجبهولك زاحف على ركبه قلتله وانا مستعده ادفع اي فلوس في مقابل اني اشوفه مزلول خلي ماما ضربتني وطلع معايا عملت تقرير طبي ان جوزي هو اللي ضربني قالي دي جنحه ضرب هياخد حكم فيها ونطلب بالتعويض الكلى والحزئي ساعتها قولت انا هطلب مليون جنيه وهو مش هيقدر يدفع فيتضر يجرعلي تاني وسبحان الله ياخد فيها براءه من اول جلسه رفعت تبديد قايمه وتمكين من مسكن الزوجيه

ونفقه ليا ونفقه للوالدين راح هو طالب من المحكمه انه يسلم أعيان الجهاز أمام قسم الشرطه وفعلا المحكمه خلاته يفك الجهاز ويجيبه عند القسم لقيته جايب الجهاز كامل مفيش كبايه مكسوره المحامي قالي اقول ان ده مش جهازي وفعلا قولت كده جه الخبير بتاع المحكمه وطابق الجهاز بالقايمه وقالي هو ده جهازك قولتله مش هستلمه وجوزي واقف بعيد مع المحامي بتاعه وانا مواقفه عيالي مع ماما عشان اعاند فيه شوفت الدموع في عنيه وهو بيبص لعياله كنت مفكره هيجي يقولي يلا نروح بيتنا لقيته بيتماسك نفسه وجاب الناس اللي كانو جايبين العفش حملوه تاني وخده حطه في مخزن تحت البيت بعد شهور المحكمه حكمتلي نفقه متعه ونفقه عده ٢٧الف جنيه وب ١٧٠٠ نفقات ومصاريف واتمكنت من الشقه وغصب عني روحت استلمت العفش وأخذته رصيته تاني وقفلت الشقه وروحت عند اهلي وهو ملتزم بالنفقه كل شهر ومع ذالك لسه حرماه من عياله كل اللي كانو حوليا ماما وبابا واخواتي وقريبي واصحابي كانو بيقولولي اوعي ترجعي غير لما ينفذ طلباتك وترجعي وانت رافعه راسك لفوق سمعت كلمهم وأطلقت تاني ومرجعليش واتمسك بمراته الأولى اكتر وانا حاليا مطلقه من زوجي التاني ومعايا ولدين كل ليله انام وانا معيطه لما بشوف كل واحد من اخواتي واخد مراته وعياله ورايحين شققهم وماما وبابا اللي قالولي هنجيبه زاح بيداخلو ينامو ويضحكو وهما مش حاسين بكسره قلبي وحرماني اخدت منه فلوسه واتصرفت كلها على المحامين والقواضي وعايشه في فكر ليل ونهار بيجلي عرسان تالت بس كلهم عباره عن راجل كبير عايز واحده تخدمه مقابل انه يصرف عليها او واحد مطلق ومعاه عيال وعايز واحده تربيهم او أرمل معاه عيال او واحد نسوانجي وعايز واحده رخيصه،،

امراءة رخيصة

وطليقي وابو عيالي حاليا عايش هو ومراته احلى عيشه فسح وخروجات ولبس وانا وعيالي أخرنا ١٧٠٠ بخدهم من بنك ناصر الاجتماعي بعد طبور طويل من المطلقات

نصيحه لكل ست معاها راجل محترم اتقي الله فيه واوعى تعملي زيي