شيرين عبد الوهاب مش ست غلبانة مكسورة الجناح دايخة علي معاش جوزها- افيقوا
حصلت المطربة شرين عبدالوهاب علي تعاطف البعض وانتشرت حملات فحواها ادعم شرين وغيرها من المسميات وفي الوقت نفسة خرجت اصوات اخري مغايرة ومختلفة
فأعلنت الفنانة المعتزلة ميار الببلاوي عدم تعاطفها مع مواطنتها شيرين عبدالوهاب في أزمتها الأخيرة، واحتجازها في مصحة نفسية.
وقالت ميار الببلاوي، في برنامجها "أحلى الكلام" على شاشة قناة "الشمس" المصرية، إن "الله لا يفضح العبد من أول ذنب، وهناك شيء اسمه الستر، ولا شيء في الدنيا يستحق خصام الأهل ومقاطعتهم".
وأضافت أن هناك حالة تعاطف عامة مع شيرين عبدالوهاب في محنتها الأخيرة، لكنها لا تشعر بالتعاطف معها، ليس من أجل الاختلاف، وإنما لكثرة أزمات شيرين، وعدم تعلمها من أخطائها.
وأردفت قائلة: "اسمحوا لي، أنا مش متعاطفة مع شيرين، حذرتها في فيديو سابق، وقلت لها إما تنكسري وترجعي إلى مربع الصفر وإما تقفي على رجلك وتواصلي نجاحك، ربنا لا يفضح العبد من أول مرة".
وواصلت الببلاوي: "يا شيرين ربنا وهبك هدية، أمك وأشقائك، أهلك يا تهلك، وأولادك أهم ما لديك، لا أحد سيحبك مثل أخيك، وأنا أقول له أنت رجل ابن رجل، وتسلم البطن التي حملتك، لأنك وقفت بجانب أختك".
وأشارت إلى أن شيرين طردت شقيقتها من منزلها بسبب طليقها حسام حبيب، فيما لجأت والدتها إلى ابنها لإنقاذها، مضيفة: "أهلك يخافون عليك، وجعك هو وجعهم، ولا أحد يستحق أن تدمر المرأة نفسها من أجله".
ميار الببلاوي ليست الوحيدة التي دافعت عن أسرة شيرين، في مقابل انتقاد إعلاميين آخرين لها، حيث أيدت الفنانة المصرية مي كساب بشدة تصرف شقيق شيرين عبدالوهاب، بعدما أدخلها عنوة لمستشفى للعلاج من الإدمان، حسبما زعم.
وأضافت كساب، في تصريحات لبرنامج "عرب وود": "شقيق شيرين راجل، وأقول له إحنا في ضهرك وتصرفك صح لأنها شرفك وعرضك ولازم تعالجها، وأنا زعلانة على شيرين لأنها صديقتي من 3 إعدادي". وتابعت: "عمرها ما كانت بتشرب، مشكلتها إنها هوائية وبتصدق وبتنساق ورا أي حد، وهي ثروة قومية لنا وصوت لن يكرر".
وكانت أسرة شيرين عبدالوهاب قد أصدرت بيانًا طلبت فيه من الصحفيين والإعلاميين عدم نشر أي أخبار أو تصريحات بشأن أزمة الفنانة، التزاما بقرار النيابة العامة المصرية، موجهة الشكر لهم على دعمهم لها.
كما نشرت ناشطة علي فيس بوك مايشبة السخرية من موضع شرين وكتبت تقول
الناس بتتكلم عن شيرين عبد الوهاب كأنها ست غلبانة مكسورة الجناح دايخة علي معاش جوزها, وصراخ وعويل وشحتفة..و انقذوا شيرين.. وتضامنوا مع شيرين.. وعالجوا شيرين..وعياط كتير ودراما..
شيرين عبدالوهاب اللى عندها حجم علاقات ومعارف يحميها ويحميك ويحمى اللى قاعد جنبك ،، شيرين اللى تقدر بتليفون صغير بس تقلب الدنيا..بفلوس حتي
مش مستنية يعنى صريخك ولا عويلك ولا ليه لازمة كل بوستات الانقاذ دي
انا مقدره التجربة اللي هي بتمر بيها -اللي احنا كلنا مش عارفين اي تفاصيل عنها- و مش فاهمين مين مظلوم و مين ظالم
و يمكن هي اللي اختارت بمزاجها كل دا...بس تمام برضو انا شايفاها ضحية و تستاهل التضامن
بس من غير افورة و نواح و مظاهرات
وفروا إنسانيتكم دى لحد يستاهل ،، لست فعلاً غلبانة شقيانة جوزها رماها بعيالها ف الشارع و بتمسح سلالم عشان بس تأكلهم!!
وفرها لست مكسورة الجناح بجد و جوزها بيضربها كل يوم و يكسر عضمها و يعملها عاهة...و معندهاش معارف وضحية بقي فعلا!!
تضامن أحسن مع واحدة ادمنت مخدرات بسبب البيئة المعفنة اللي اتولدت فيها...و مش معاها فلوس تتعالج وتتحجز ف مصحة..و عيلتها اصلا رافضة انها تتعالج...مش اهلها بيودوها بالعافية و خايفين عليها!!!
دول و امثالهم اللي موجودين كل يوم قدامنا هما اللي يستاهلوا كل تضامننا و مشاعرنا و قلبنا و صراخنا و مظاهرتنا...مش لواحدة يقال من مامتها واخوها أنها بتروح بمزاجها تشرب وتسكر مع اللى المفروض طليقها اللي مبهدلها و مش عايزة تسيبه..
في وقت في ناس مهلوكة ف التفكير بس لتوفير لقمة العيش!!
اعلام بلد كامل, فيها حجم المعاناة دي كلها... مقلوب لواحدة بس مش محتاجة اصلا اي دعم ، مع ان في اسوء منها و ملايين يقطعوا القلب محتاجين فعلا كل الصريخ و النواح و التضامن دا!!
