خالد الصاوي لمنتقدي دورة فى فيلم عمارة يعقوبيان: مفيش عمل قدمته أخجل منه

أكد الفنان خالد الصاوي، أنه على خلاف مع نفسه خلال الفترة الحالية ويحاول التغيير والتطوير في اختياراته المقبلة، مشيرًا، إلى أنه لم يندم على أي عمل قدمه من قبل.

قال خالد الصاوي في تصريحات تلفزيونية: أنا على خلاف مع نفسي حاليًا عشان عايز أتغير وأقوم بتطوير نفسي وأتخطى المطبات اللي وقعت فيها بحياتي.

وعن فكرة ندمه على أي عمل قدمه من قبل، أوضح الصاوي: لم أندم على أي عمل قدمته من قبل حتى الأعمال اللي منجحتش لأن كل عمل كان ليه ظروف وأنا وافقت عليه بكامل إرادتي.

خالد الصاوي: مفيش عمل قدمته أخجل منه

وتابع الصاوي: مندمتش حتى على الأعمال اللي اشتغلها عشان الفلوس أو اللي قبلتها عشان أكون متواجد على الساحة، معنديش حاجة ندمان عليها ولا حاجة فيها إسفاف أو سيئة لدرجة الخجل منها.

خالد الصاوي: خالد صالح وحشني

كما وجه الصاوي رسالة إلى صديقه الفنان الراحل خالد صالح، حيث أضاف: خالد صالح أفتقده جدًا الله يرحمه وعايز أقوله وحشتني جدًا بس اطمئن اللي خلف مماتش ابنك وبنتك زي القمر وأداؤهم في الحياة زي الفل.

وعن الانتقادات التي تعرض لها بسبب دوره في فيلم عمارة يعقوبان، رد الصاوي: من حقهم ينتقدوا أي دور ومن حقنا إننا نعرض اللي إحنا عايزينه ومن حق الناس اللي مش عاجبها إنها تقول مش عاجبها زي ما من حق الناس اللي عاجبها تقول.