حمادة هلال عايش بدعوات أمه الله يرحمها

أكد الفنان حمادة هلال، أن بدايته كانت في " الشرقية " وتعرف علي المهندس " اش اش " ومنه وصل إلي "حميد الشاعري" وبعدها بدأ يغني ويعمل ألبومات، موضحا أن احتياجه الوحيد هو الدعاء كانت "أمه" الله يرحمها بتدعيله دايما.

جاء ذلك خلال حواره لبرنامج ع اللوكيشن مع شريف الليثي علي راديو هيتس.

وأضاف نقطة التحول التانية في حياتي هي التمثيل، وأول مسلسل ليا أسمه " بدارة " كان ١٥ حلقة، و أول فيلم ليا كان "حلم العمر" بس أتعرض بعد فيلم "عيال حبيبة"، وأول انطلاقة في حياتي كانت في فيلم" عيال حبيبة" سنة ٢٠٠٥، وأهم ٣ محطات في حياتي أغنية " محمد نبينا / والله و عملوها الرجالة / دايما دموع " .

وتابع أنا مش بحب أفصل أبدًا و الحمدلله عندي أسرة حاسه بيا طول الوقت، و أكتر حاجة بتخوفني في الطريق هو إني أظلم حد لكن النجاح و الفشل مش بخاف منه خالص.

أما عن أغنية " محمد نبينا " فهي إنتاجي و ألحاني ، وأول مرة روحت المدينة اتمنيت أعمل أغنية فيها مديح للنبي، وأخويا " مدحت " هو اللي معايا من أول الطريق وعايش بدعوات أمي لحد دلوقتي.