حوادث اليوم
الجمعة 25 أبريل 2025 09:04 مـ 27 شوال 1446 هـ
بوابة حوادث اليوم
رئيس التحريرصلاح توفيق
بمناسبة عيد تحرير سيناء.. الإفراج بالعفو عن 746 نزيلاً من مراكز الإصلاح والتأهيل في مصر شاب يحاول الانتحار من أعلى الجامع الأزهر.. والأمن يتدخل في اللحظة الأخيرة -- فيديو الواقعة زمن التريندات الساقطة.. فيديو ”الأخ وأخته” يثير صدمة بعد 24 مليون مشاهدة في ساعات والأمن يتحرك شاب_ينهي_حياة_زوجته_وحماته في كفر الشيخ.. جريمة تهز قرية ”أريمون” بسبب خلافات زوجية حادث انقلاب ميكروباص بالطريق الإقليمي في أشمون بالمنوفية: التفاصيل الكاملة سرقة داخل المسجد تثير الغضب.. القبض على لص ”المغافلة” أثناء صلاة المصلين في الجيزة ادّعى نفوذ والده وهدد سائق ميكروباص.. فيديو جديد يفضح البلطجة على الطرق والشرطة تتدخل - شاهد الفيديو ميسي ينفجر غضبًا بعد السقوط أمام فانكوفر.. ويتوعد الجماهير: ”الرد قادم!” (فيديو) والدها رفضه.. ممرضة تنهي حياتها شنقا داخل غرفتها بسوهاج تراجع أسعار الذهب اليوم الجمعة 25 أبريل 2025 في مصر رغم استقرار عالمي رصاصة طائشة تسرق الحياة من شاب في ربيع عمره.. مشاجرة دامية تهز كفر الزيات بالغربية حادث طريق الإسماعيلية.. مأساة تُبكي القلوب.. وفاة طبيب وزوجته ونجاة 5 أطفال في لحظة صادمة

هقتلكم كلكم.. فتاة تتهم سائق أوبر بمحاولة قتلها وزوجها بالعبور

سائق أوبر العبور
سائق أوبر العبور

نشرت إحدى الفتيات تدعى شروق أيمن عبر صفحتها الشخصية بموقع التواصل الاجتماعي فيسبوك، منشورًا يفيد بتعرضها لمحاولة قتل على يد سائق تابع لشركة أوبر، بمنطقة العبور بالقليوبية.

فتاة تتهم سائق أوبر بمحاولة قتلها

وقالت الفتاة في منشورها: النهاردة الصبح الساعة 10 كنت عند نادي العبور، وحاودت أطلب عربية ديدي وان درايف، وقعدت أكتر من ربع ساعة مكنش في عربيات، وكنت عند بوابة 2 ومنطقة ساكته خالص، فاضطريت أطلب أوبر وقعدت 10 دقايق على ما جالي عربية، و10 دقايق كمان مستنياها.

وأضافت شروق أيمن فتاة العبور: ركبت أنا ومعايا أختي وبقوله هقف لحظة عند إيتوال أجيب حاجة، لاقيته عمال يزعق فيا وبيقول لي ومين قالك إنها هتبقي دقيقة، وهتدخلي تقعدي ساعة جوه وكل ده بيزعقلي وبيقولي كلكم كده كل واحده تقولي دقيقة، وتدخل تقعد ساعة على ما تنقي وتختار وتتفرج، يزعق يقولي مش هترضي تدفعي وكلكم كده، هتدخلي تقعدي ساعة جوه، وعمال يزعق فيا بقوله مين قال أنا مش هدفع حضرتك اللي هتطلبه، أنا هدفعه وأنا متكلمتش كل ده أنا ساكتة قالي كلكم بتقولوا كده.

كما زعمت شروق: وقفني قدام إيتوال اللي هو بينه بين بوابة النادي دقتين بالظبط، وأنا قعدت جوه دقيتين بالعدد معايا فاتورة إيتوال، وزعق فيا وشوح بإيده اتفضلي إنزلي سكت ونزلت وأختي فالعربية وأنا جوه كلمت زوجي، وحكيت له اللي حصل وقولت له اطلع لي عشان الراجل شكله غريب ومش مبطل زعيق فيا.

وتابعت: وصلت عند البيت زوجي كان مستنى قدام الباب نزلنا بيقول له أنت بتزعق لها كده ليه، والله بيتكلم بهدوء وبأدب وأنت بتكلمها كده ليه، راح خد آخر الشارع ولف ورجع وقف قدام البيت، ويىقوله أه أنتم مش هتجيبوا فلوس أنا كنت عارف أنكم مش هتدفعوا فلوس، هتجيب الفلوس ولا لا، وزوجي قاله فلوسك أهي وحطها له في العربية راح رجع حدف الفلوس فوشنا وقال لنا لفظ خادش.

وأشارت فتاة العبور: جوزي رجع له وبيقوله أنت بتقول ايه بتتكلم كدا ليه راح نازل جايب الكوريك، وجري ورانا بيه ورافعه علينا، ووقع جوزي فالارض، وبيقوله هقتلك، وأما وقعه وكان هينزل الكوريك على دماغه، أختي صرخت وقالت له أنت هتعمل إيه إبعد عنه جيه يجري عليناـ ويقولها هقتلك أنا هموتك وأما صرخت بيقوا لي اسكتي لأموتك وهقتلك، وأنا هقتلكوا كلكوا وقعد يزعق ويصرخ، أنا هقتلكم كلكم، وأول ما لقي عربيات الجهاز دخلت الشارع خد بعضه وجري، وعملت شكوى في أوبر طبعا مستنيه الرد، وجوزي دراعه فيه كدمه وجسمه كله كدمات.


واختتمت: أنا معايا نمر العربية، وأكيد هيعمل أكونتات تانيه وأنا دلوقتي بحذر منه إن حد يركب معاه لأنه واضح أنه مش مظبوط، هروح أعمل محضر والله بس قولت انبه الأول.

العيون الساهرة

    xml_json/rss/~12.xml x0n not found